حكاية العمارة ال60 دور؟
هحكيها لكم
كان في اتنين شباب من الأرياف جم القاهرة للعمل ، بحثوا عن سكن رخيص فلم يجدوا الا حجرة في السطوح لعمارة 60 دور ، والاسانسير يغلق بعد الساعة الثانية عشر ، في مرة جم متأخرين ، فالشاب بيقول لصاحبه هنعمل ايه ؟ قاله نطلع علي السلم! قاله نطلع ستين دووور
قاله مش احسن منبات في الشارع ، المهم اتفقوا اول عشرين دور ياخدوها ضحك وهزار وتنطيط
والعشرين الدور اللي بعدها يحكوا حكاية طويلة ، وأخر عشرين دور يحكوا قصة حزينة
وبالفعل عملوا كده اول عشرين دور ضحك وتنطيط وفرح ، واللي بعدها القصة الطووويييلة ، وبعدين القصة الحزينة ويعيطوا ، وصلوا السطوح مكسرين ، واحد قال لصاحبه اقولك حاجه نكد اكتر من القصة الحزينة ، قاله قول ، قاله انا نسيت المفتاح بتاع الغرفة تحت
مين ينزل يجيبو
القصة رمزية العمارة ال60دور هي عمرك ،
اول عشرين دور يعني اول عشرين سنة ضحك وهزار ولعب من غير مسئولية ومشغول عن ربنا!
وتاني عشرين سنة القصة الطويلة عاوز يتجوز وبيدور علي عروسة وعاوز شقة ويفرشها وعاوز ينجب والعيال تروح المدرسه ويتعلموا قصة طويلة
لحد الاربعين وبردو مشغول عن ربنا! أخر عشرين سنة القصة الحزينة النظر ضعف والركب شخللت والضهر انحني وعاوز دكتور وعلاج وخلاص مش قادر يروح الجامع ،
هووووب وصل لأخر العمر فين المفتاح ؟
فين لا إله إلا الله في حياتك عملي ؟
طب ارجع اجيب الدين ، اجيب المفتاح ؟ مينفعش
خدوا بالكم من عمركم بيتسرق منكم ولو انت في اي مرحلة خليك مع ربنا تلاقي الحياة حلوة و جميلة . مستعدين ؟!
قال تعالى ؛-
﴿فويل للقاسية قلوبهم من ذكر الله﴾
لا إله إلا أنت سبحانك إني كنت من الظالمين
فلا تمتنع أو تتكبر ..!!
